Malamalama i laupepa Rapid Building Assessment
O le uma ai ona faia o se Rapid Building Assessment, ona faapipii lea i lou fale po o fale o se tasi o laupepa mai le tolu ituaiga laupepa lanu eseese e te iloa ai le isi laasaga o sosoo ai
Laupepa lanu mūmū
O le laupepa lanu mūmū e faailoa atu ai e faasā le ulufale. E masalomia tulaga e ono telē ai le afaina o le saogalemu o tagata lautele, tulaga maloloina, ma le soifua manuia. O se aafiaga e mafai na mafua mai i le tulaga o le fale, o fale tau lalata po o tulaga ua lē saogalemu ai le eleele.
Silasila i le laupepa lanu mūmū [PDF 60KB]
Laupepa lanu samasama
O le laupepa lanu samasama e faailoa atu ai e iai tulaga e faasā ai le soona faaaoga po o le ulufale atu i le fale se‘i vagana mo se taimi faatapulaaina po o galuega faapisinisi e tatau ai. E iai se vaega po o le tino atoa o le fale ua faaleagaina, po o se vaega o le fale, o fale tau lalata po o tulaga ua lē saogalemu ai le eleele ma e telē se aafiaga e tulai mai ai.
Silasila i le laupepa lanu samasama [PDF 79KB]
Laupepa lanu pa‘epa‘e
O le laupepa lanu pa‘epa‘e e faailoa atu ai e mafai pea na nofoia le fale. E lē faapea ai e lei faaleagaina le fale. Vaavaai pea mo mea ua faaleagaina ma faafesootai lē e ona le fale po o le tagata o vaaia le fale nofo mautotogi o e nofo ai.
Silasila i le laupepa lanu pa‘epa‘e [PDF 61KB]
Mo nisi faamatalaga i laupepa eseese
Afai e lei faaleagaina lou fale po o le fale, ae e iai tulaga e ono faaleagaina ai i se fale po o se faavae o le fale tau lalata ane, ona faia lea o se suesuega i tulaga e aafia ai.
E taua lou tau mamao ma aua e te faalavelave, faaleaga po o le aveese o laupepa na faapipii po o le ulufale i lou fale pe afai na faapipii i ai se laupepa lanu samasama po o se laupepa lanu mūmū. O lou faalavelave, e avea ai ma solitulafono i lalo o le Building Act ma e iai faasalaga e ono faaee atu.
E ono faia foi e pulega faamaonia tulaga e tatau ai ona tausisia le saogalemu o tagata e aunoa ma le faalatalata i ai po o le puipui o fale o aiga ma le tele o fale. E ono aofia ai mea e faapā ai, poloka, ma isi faiga e taofia po o le tuuitiitia le sopoia e tagata lautele, po o le taofia o le afaina ai o tagata mai le fale po o mea o paepae solo. E taua le aua ne‘i e sopoia pe e te faalavelave i so o se mea ua faia auā le puipuiga o tagata.