Ngā mahi hanganga whāiti (RBW)

Rapua he kōrero mō ngā mahi whakatika whare whai herenga, ā, he aha te take me whakamahi koe i ngā tāngata whai raihana mō ētahi kaupapa whare noho.

He whakamārama mō ngā mahi hanganga whāiti

Ko 'Ngā mahi hanganga whāiti' ngā mahi waiwai kia tika ai te hanga me te ārai huarere o te whare. Me whai Kaihanga Whare Whai Raihana (LBPs) hei hoahoa, hei mahi hoki i ēnei mahi.

Ka rēhitatia ngā LBP, ā, ko tōna tikanga me whakahou tonu rātou i ō rātou pūkenga, ō rātou mōhiotanga hoki. Ka whai raihana ngā LBP mō ngā mahi ka mahia e rātou. He momo raihana mō te:

  • hoahoa
  • mahi kāmura
  • mahi tuanui
  • tāpae pereki, paraka hoki
  • whakapiringā ā-waho
  • tumu
  • wāhi hanga.

Me āta whiri koe i tō kaihoahoa, kaihanga, kaimahi rānei i te mea kāore ngā kaimahi hanga katoa e whai raihana.

Ka whai wāhi ngā ture mō ngā mahi hanganga whāiti ki ngā mahi o te kaunihera ki te whakaae me te tirotiro ki ngā mahi hanga whare. Mā tēnei e whakahaumaru i a koe me ngā kaihoko i tō whare mā te rekoata nā wai ngā mahi hanga i tō whare, ā, i pēhea i whakatutuki i ngā Tikanga Hanga Whare.

E ai ki te ture mā ia LBP e mahi hanganga whāitii tō whare e whai Tiwhikete Mahi Hoahoa, he Mauhanga Mahi Hanga rānei.

Ngā mahi whāiti

Ko te mahi hanganga whāiti he mahi hoahoa, hanga, whakarerekē rānei i te whare noho ka:

  • whai whakaaetanga hanga
  • whai wāhi hoki ki ēnei wāhanga o te whare:
    • te hanganga matua
    • te ārai huarere
    • ētahi hoahoa ārai ahi.

Me whai LBP mō ngā mahi nui, ngā mahi matatini hoki.

Tirohia mēnā me whai whakaaetanga koe, ka āwhina pea i a koe ki te whakamahere i tō kaupapa ina he māmā noa iho, he iti te tūraru rānei.

Ko ngā mahi i raro i ngā momo raihana e whitu anake he mahi hanganga whāiti.

Ngā mahi e pā ana ki te hanganga matua o tō whare

Ko ngā mahi, hoahoa rānei e whakarerekē ai i te hanganga matua o tō whare he mahi hanganga whāiti tērā. Ko ngā mahi ēnei e whai wāhi ki te ātetetanga o ngā kawenga poutū, huapae hoki.

He tauira ēnei o ngā wāhi e kitea ai ngā āhuatanga o te hanganga matua
Te tūāpapa me te anga o te papa o raro Ngā pou pūmau (me ngā tauteka), ngā pātū tūāpapa, ngā pou anga poto, ngā pae hāpai papa, ngā pae hāpai ahopou
Ngā papa Ngā hanganga papa, ngā pae pupuri papa, ngā hanganga papa hiato
Ngā pātū Ngā pou anga, pare, hanganga mārō, pou pūmau whānui
Tuanui Ngā heke, ngā pae pupuri tuanui, ngā anga tuanui
Ngā poutoko me ngā pae hāpai Ngā poutoko, ngā pou rākau, ngā pou hāpai, ngā pae hāpai
Ngā whakapūmau Tāhei maitai whakapūmau, rākau whakapūmau rānei, papa whakapūmau, pātū kaupare, papa kaupare

Ngā mahi mō te ārai huarere o tō whare

He mahi hanganga whāiti ngā mahi, hoahoa rānei hei aukati i te wai, hei whakamātua hoki i te mākū o te papanga o te whare. E karangahia ana hoki hei 'pūnaha whakahaere haukū o waho'.

He tauira o ngā pūnaha whakahaere haukū o waho Ngā wāhi e kitea ai ēnei
Ārai haukū Ko ngā papa kōhatu i runga i te
Papa-roto/papa whakatārewa me ngā pātū mārō ka noho whakaraerae ki te haukū i te hau, tae atu ki te parenga ārai-haukū
Ngā tuanui/pātū o waho me ngā pūnaha tuanui/pātū o waho (kua āpiti atu ki te mata o waho o ngā pātū tāpare, pātū mārō rānei, tuanui rānei) Tākainga hanga
Nga āpure kua whakamimititia
kiriuhi
Ngā tāpiritanga
Ngā matapihi, ngā kūaha me ngā mataaho
Ngā pūhauhau
Ngā āputa me ngā wāhi ngoto
Ngā tāhei āraiwai me ngā herepuru
Ngā hononga me ngā ūngutu
Ngā maimoatanga mata (hei tauira te kiriuhi pītongatonga)
Ngā kiriuhi pītongatonga (i te wā ka noho hei wāhanga o te pūnaha pītongatonga)
Pītongatonga wai Te kiriuhi pītongatonga ki ngā pātū mārō me ngā tuanui e noho whakaraerae ana ki te haukū kei te hau
He kiriuhi pītongatonga ki ngā wāhi rahoraho/paparewa

Hoahoa haumaru ahi

Ka pā anake tēnei ki ngā wharenoho iti, āhua iti rānei, tae atu ki ngā whare tāone.

Me whakahaere rawa te mahi hoahoa o ngā pūnaha haumaru ahi, me tirotiro rānei e tētahi LBP whai rāihana tōtika. Ka whakarite tēnei i te whakaurunga o ngā āraitanga pēnei i ngā pūnaha whakatūpato, ngā ara putanga me ngā whakatūpatotanga ārai i te horapatanga o te ahi ki roto i te hoahoa.

He tauira o te pūnaha haumaru ahi Ngā wāhi e kitea ai ēnei
Ngā pūnaha whakatūpato ohotata Ngā tatau me ngā matapihi autōhiko, aunoa rānei
Ngā pūnaha rama ohotata
Mana ararewa ratonga ahi
Ngā ara putanga
Ngā putanga whakamutunga
Ngā tohu
He takatakai ngongo wai ahi
Ngā wehenga ahi
Ngā wehenga auahi
Ngā wāhi rerenga
Ngā pūnaha kati, whakahaere rānei Ngā pūnaha aunoa mō te pare ahi
Ngā pūnaha whakawātea hau ā-pūrere, hāngū rānei, ngā pūnaha whakahaere hau rānei
Ngā pūnaha pēhanga
Ngā pūnaha whakahaere auahi
Ngā pūwhakaiti tōpana
Ngā takatakai ngongo wai ahi
Ngā pūnaha ngongo wai whare
Ngā wehenga ahi, wehenga auahi
Ētahi atu wāhanga hoahoa Atanga ki ngā pūnaha
Pokapū pūnaha ahi
Pū hiko ohotata

Te tikanga o te 'whare noho'

Ko ngā ture e pā ana ki ngā mahi hanganga whāiti e pā ana ki ngā mahi hanga ki tētahi whare, ki tētahi whare iti, āhua iti rānei.

Ko te whare he mea:

  • He whare tū wehe noa, kua motu katoa, kotahi anō te wāhi kāinga.

Ko te whare noho iti, āhua iti rānei he whare:

  • e rua neke atu rānei ngā whare noho (wharenoho iti, whare tāone), ngā wāhi wharenoho rānei (pēnei i te tomokanga, whare horoi, karāti rānei)
  • kāore he whare arumoni, whakaurunga arumoni rānei i roto
  • he teitei mōrahi iti iho i te 10m (te tawhiti poutū i waenganui i ngā mata o runga o ngā papa hahaka rawa, teitei rawa hoki o te whare).

Ngā mahi kāore ōna here

Ka kore te mahi e kīia he 'mahi hanganga whāiti' mēnā ka pā tētahi, ētahi rānei o ngā āhuatanga e whai ake nei:

1. Mēnā ehara te mahi i te mahi ki te whare, ki te wharenoho iti, āhua iti rānei. Hei tauira, e kore te mahi ki ngā whare e whai ake nei i te mahi hanga whāiti:

  • ngā karāti tū wehe
  • ngā tauranga motokā
  • ngā whare noho whāranu (pēnei i ngā whare me ngā toa i roto)
  • tētahi whare arumoni ahakoa he aha te teitei
  • tētahi wharenoho nui (i tua i te 10m te teitei)
  • te whakauru i tētahi pūrere kapohau ā-whare
  • te whakauru i tētahi puna kaukau ā-whare
  • te whakauru i tētahi waka ā-taura ki te kāinga

2. Ki te kore āu mahi hanga whare e hiahia ki tētahi whakaaetanga hanganga. Hei tauira:

  • ngā tauranga motokā iti
  • ētahi mahi turaki, tango rānei
  • te whakatika me te tautiakitanga mā te whakamahi i ngā rauemi ōrite i te tūnga ōrite
  • te whakarerekētanga o ētahi pātū ā-roto (ehara i te hanganga anga)
  • te whakauru i te nuinga o ngā matapihi

Tirohia mēnā e hiahia ana koe ki ngā whakaaetanga he mōhiohio āmiki ake.

3. Ki te kore āu mahi e pā ki te anga matua, ki te pākaha rānei o te whare ki ngā huarere. Hei tauira:

  • te whakauru i ngā tāpiritanga akuaku hou i te wāhi kāore tētahi i reira i mua (pēnei i te kīhini hou, wharepaku tāpiri rānei)
  • te whakauru i te pākai ahi tahu rākau
  • te whakauru i ētahi atu pūnaha motuhake i ngā wharenoho iti, āhua iti rānei (pēnei i ngā pūoho auahi, ararewa rānei)
  • te whakauru ārai whakamahana ki ngā pātū o waho o te whare.

4. Ngā mahi kāore e uru ana ki roto i tētahi o ngā momo raihana LBP. Hei tauira:

  • te mahi taika o waho
  • te hanga i ngā waehanga i tētahi atu wāhi (pēnei i ngā tāpare kua oti kē te hanga)
  • te hoahoa hanga (pēnei i te hoahoa o tētahi pūnaha pūoho ahi).

Kia mahara me tutuki i ngā mahi hanganga katoa i Aotearoa ngā paerewa mahinga o te Waehere Hangahanga – ahakoa kua herea, kāore rānei, me whai rānei i tētahi whakaaetanga hangahanga.

Mēnā kāore koe i te mōhio ina he mahi hanganga whāiti tō mahi, mā tētahi kaihoahoa whai raihana, mā te kaunihera rānei e āwhina i a koe.

This information is published by the Ministry of Business, Innovation and Employment’s Chief Executive. It is a general guide only and, if used, does not relieve any person of the obligation to consider any matter to which the information relates according to the circumstances of the particular case. Expert advice may be required in specific circumstances. Where this information relates to assisting people: